აშშ-ის პრეზიდენტ დონალდ ტრამპთან უკრაინის საკითხზე მოლაპარაკების მთავარი შედეგი რუსეთის წინააღმდეგ სანქციებია, ასევე შედეგია ის, რომ ბუდაპეშტის შეხვედრა კიევის მონაწილეობის გარეშე არ ჩატარდება.
ამის შესახებ უკრაინის პრეზიდენტმა ვოლოდიმირ ზელენსკიმ დღეს, 23 ოქტომბერს, ბრიუსელში გამართულ პრესკონფერენციაზე განაცხადა.
„ამ შეხვედრის (დონალდ ტრამპთან) შედეგია ის, ჩვენ გვაქვს სანქციები რუსული ენერგეტიკის წინააღმდეგ, ასევე ის, რომ უკრაინის გარეშე უნგრეთში შეხვედრა არ იქნება. ეს არის შედეგი. ვფიქრობ, ცუდი არ არის,“ - განაცხადა ზელენსკიმ.
ამავდროულად, მან მიანიშნა, რომ შესაძლებელია სხვა შედეგებიც.
„ვნახოთ. ყოველდღე რაღაც ჩნდება. შესაძლოა, ხვალ Tomahawk-ები გვქონდეს“, - დასძინა ზელენსკიმ.
