ხარკოვში, საბავშვო ბაღზე დრონით თავდასხმის შედეგად ერთი ადამიანი დაიღუპა და შვიდი დაშავდა, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
რუსული დრონის მიერ ხარკოვის საბავშვო ბაღზე დარტყმა მასირებული თავდასხმების ღამეს მოჰყვა. სამწუხაროდ, ცნობილია ერთი ადამიანის დაღუპვის შესახებ. ვუსამძიმრებ ახლობლებს.
ამ დროისთვის არსებული ინფორმაციით, დაშავებულია შვიდი ადამიანი. ისინი სამედიცინო დახმარებას იღებენ. ყველა ბავშვი ევაკუირებულია და თავშესაფრებშია. წინასწარი ინფორმაციით, ბევრს მწვავე სტრესული რეაქციები აღენიშნება“, - დაწერა მან Telegram-ზე.
ზელენსკიმ ხაზგასმით აღნიშნა, რომ საბავშვო ბაღზე დრონით თავდასხმის არანაირი გამართლება არ არსებობს და არც შეიძლება არსებობდეს.
„საბავშვო ბაღზე დრონით თავდასხმას გამართლება არ აქვს და არც შეიძლება ჰქონდეს. აშკარაა, რუსეთი უფრო თავხედდება.
ეს დარტყმები რუსეთის მხრიდან სახეში სილის გაწვნაა ყველასთვის, ვინც მშვიდობიან გადაწყვეტას მოითხოვს. ბანდიტებისა და ტერორისტებისთვის ადგილის მიჩენა მხოლოდ ძალის გამოყენებით არის შესაძლებელი“, - აღნიშნა უკრაინის პრეზიდენტმა.
