უკრაინის პრზეიდენტი ვოლოდიმირ ზელენსკი გასულ ღამეს რუსეთის ძალების მიერ უკრაინაზე მასშტაბურ თავდასხმას ეხმიანება. მისი ინფორმაციით, ამ დროისთვის ცნობილია 17 ადამიანის დაშავების შესახებ. დაღუპულია 6 ადამიანი, მათ შორის 2 ბავშვი
„კიდევ ერთი ღამე, რომელიც ადასტურებს, რომ რუსეთი საკმარის ზეწოლას ვერ გრძნობს ომის გაჭიანურებისთვის.
ჩვენი საჰაერო თავდაცვის ძალები, მობილური სახანძრო ჯგუფები და ჩამჭრელი დრონების გამანადგურებელი ეკიპაჟები მთელი ღამის განმავლობაში და დილამდე მუშაობდნენ.
ჩვეულებრივი ქალაქები, ძირითადად ენერგეტიკული ინფრასტრუქტურა, ცეცხლის ქვეშ მოექცა, თუმცა ბევრი საცხოვრებელი შენობაც დაზიანდა.
ზაპოროჟიეში ხანძარი იყო, კიევში კი საცხოვრებელი შენობები დაზიანდა.
თავს დაესხნენ კიევის, ოდესის, ჩერნიჰივის, დნიპროპეტროვსკის, კიროვოგრადის, პოლტავის, ვინიცის, ზაპოროჟიესს, ჩერკასის და სუმის რეგიონებს.
ამ მომენტისთვის ცნობილია 17 დაშავებულის შესახებ. სამწუხაროდ, დაიღუპა ექვსი ადამიანი, მათ შორის ორი ბავშვი. ჩემი სამძიმარი მათი ოჯახებისა და მეგობრების მიმართ.
რუსული სიტყვები დიპლომატიის შესახებ არაფერს ნიშნავს, ვიდრე რუსეთის ხელისუფლება კრიტიკულ პრობლემებს არ იგრძნობს.
ამის მიღწევა მხოლოდ სანქციებით, შორი მანზილზე დრტყმის შესაძლებლობებითა და ჩვენს ყველა პარტნიორს შორის კოორდინირებული დიპლომატიით არის შესაძლებელი.
დროა, ევროკავშირმა სანქციების ძლიერი პაკეტი მიიღოს. ჩვენ ასევე ველით მკაცრ სანქციებს შეერთებული შტატებისა და დიდი შვიდეულის, ყველა იმ ადამიანისგან, ვინც მშვიდობისთვის იბრძვის.
უაღრესად მნიშვნელოვანია, რომ მსოფლიო ახლა ჩუმად არ დარჩეს და რუსეთის საზიზღარ თავდასხმებზე ერთიანი რეაგირება მოახდინოს.
ყველა, ვინც ამჟამად უკრაინას საჰაერო თავდაცვის სისტემებითა და რაკეტებით ეხმარება, სიცოცხლეს იხსნის. და ყველა, ვინც უკრაინას შორ მანძილზე დარტყმების საშუალებებით ეხმარება, ომის დასასრულს აახლოებს“, - წერს ზელენსკი.
