რუსული მხარის განცხადებით, დრონებით თავდასხმები განხორციელდა რუსეთის შვიდ რეგიონზე, შეზღუდვები დაწესდა რამდენიმე აეროპორტში, ხანძარი გაჩნდა ვოლგოგრადის რეგიონში ელექტროქვესადგურში და ორი რეგიონის ზოგიერთი დასახლება ელექტროენერგიის გარეშე დარჩა.
ვოლგოგრადის ოქლის გუბერნატორისანდრეი ბოჩაროვის განცხადებით, რუსეთის საჰაერო თავდაცვის ძალებმა მოიგერიეს უპილოტო საფრენი აპარატების მასიური თავდასხმა ვოლგოგრადის რეგიონში ენერგეტიკული ინფრასტრუქტურის ობიექტებზე. მისივე ცნობით, ნოვონიკოლაევის რაიონში უპილოტო საფრენი აპარატის ნამსხვრევების ჩავარდნის შედეგად, ბალაშოვსკაიას ელექტროგადამცემი ხაზის ქვესადგურის ტერიტორიაზე ხანძარი განდა.
„სარემონტო ჯგუფები მუშაობენ ელექტროენერგიის მიწოდებაზე ქვესადგურის მიმდებარე დასახლებებში. საცხოვრებელი შენობები არ დაზიანებულა, დსავებულები არ არიან- თქვა ბოჩაროვმა.
რუსული მედიის ცნობით, ვოლგოგრადის, სამარის, სარატოვისა და ტამბოვის აეროპორტებმა დრონით თავდასხმის შემდეგ თვითმფრინავების აფრენა-დაფრენაზე შეზღუდვები დააწესეს.
Telegram-არხმა Astra-მ გაავრცელა ინფორმაცია, რომ სარატოვის მაცხოვრებლებმა ღამით მომხდარი დიდი რაოდენობით აფეთქებების შესახებ განაცხადეს.
დილით რუსეთის თავდაცვის სამინისტრომ განაცხადა, რომ ღამის განმავლობაში, საჰაერო თავდაცვის სისტემებმა 51 უკრაინული უპილოტო საფრენი აპარატი ჩაჭრეს და გაანადგურეს.
