დღეს, 7 თებერვალს, საქართველოს პრეზიდენტის მიხეილ სააკაშვილის პარლამენტში ყოველწლიური მოხსნებით გამოსვლის ზუსტი თარიღი გახდება ცნობილი.
როგორც პარლამენტის თავმჯდომარემ დავით ბაქრაძემ 1-ელ თებერვალს ბიუროს სხდომაზე აღნიშნა, პრეზიდენტი სააკაშვილი ქვეყნის საკანონმდებლო ორგანოში გამოსვლა სავარაუდოდო 10 თებერვალს მოხდება, თუმცა ზუსტი თარიღი და ფორმატი ხვალ, ბიუროს სხდომაზე გახდება ცნობილია.
ამასთან, ბაქრაძემ ყველა დაინტერესებულ დეპუტატს მოუწოდა მიმდინარე კვირას პრეზიდენტის გამოსვლის ფორმატის შესახებ მასთან კონსულტაციები გაევლოთ.
"როგორც იცით, რეგლამენტის თანახმად პრეზიდენტი საგაზაფხულო სესიის პირველივე დღეებში მოდის პარლამენტში და აკეთებს ყოველწლიურ მოხსნებს პარლამენტის და საზოგადოების მიმართ. პრეზიდენტი მზადაა გვაცნობოს საკუთარი ხედვა, რა ხდება ქვეყანაშია, რას აკეთებს ხელისუფლება და მთავრობა პრობლემების მოსაგვარებლად და როგორ ხედავს ხელისუფლება ქვეყნის მომავალი განვითარების პერსპექტივებს", - აღნიშნა ბაქრაძემ.
აღსანიშნავია, რომ საპარლამენტო ოპოზიცია პრეზიდენტის გამოსვლის შემდეგ დებატების გამართვას ითხოვენ.
ამასთან, სიტყვით გამოსვლის თხოვნით 1-ელ თებერვალს ორმა დამოუკიდებელმა ოპოზიციონერმა დეპუტატმა ჯობდი ბაღათურიამ და გია ცაგარეშვილმა ბიუროს თხოვნით უკვე მიმართეს.
პარლამენტის ბიუროს სხდომა დღეს, 7 თებერვალს, 15:00 საათზე გაიმართება.
