პედიატრი თემურ მიქელაძე მზადაა, თავდებში ჩაუდგეს დაკავებულ კოლეგას, გიორგი ჩახუნაშვილს. ამის შესახებ ინფორმაციას "ბათუმელები" ავრცელებს.
გამოცემის ცნობით, თემურ მიქელაძემ „ნეტგაზეთს“ განუცხადა, რომ მას "ყველაფრის გარკვევის" იმედი აქვს.
„გოგი ჩახუნაშვილი არის ჩემი მასწავლებელი. მე ვიმედოვნებ, რომ ყველაფერი გაირკვევა. თუ საჭირო გახდება, მე, როგორც ექიმი, თავდებში ჩავუდგები“, - განუცხადა „ნეტგაზეთს“ თემურ მიქელაძემ.
ცნობისთვის, ექიმი გიორგი ჩახუნაშვილი გუშინ დააკავეს. მისი დაკავება 4 ოქტომბრის მოვლენებს უკავშირდება. დღეს საღამოს, 20:00 საათზე რუსთაველის გამზირზე ექიმების საპროტესტო აქცია იგეგმება.
