აშშ-ის პრეზიდენტმა დონალდ ტრამპის თქმით, შეერთებული შტატები და მისი მოკავშირეები რუსეთზე ზეწოლას ზრდიან მას შემდეგ, რაც რუსეთის პრეზიდენტთან შეთანხმების მიღწევის მცდელობებმა სასურველი შედეგი ვერ გამოიღო. ამის შესახებ ტრამპმა ფინეთის პრეზიდენტ ალექსანდრ სტუბთან ერთად გამართულ პრესკონფერენციაზე ისაუბრა.
„დიახ, ჩვენ ვზრდით ზეწოლას. ჩვენ ერთად ვზრდით მას. ნატო შესანიშნავია“, - აღნიშნა ტრამპმა.
ტრამპმა ასევე განაცხადა, რომ არ აპირებს ამერიკელი ჯარისკაცების ევროპიდან გაყვანას.
„ჩვენ ევროპაში ბევრი ჯარისკაცი გვყავს, როგორც იცით, ბევრი და შეგვიძლია მათი მცირედით გადაადგილება, მაგრამ საერთო ჯამში, არა, ყველაფერს მეტ-ნაკლებად ისე დავტოვებთ, როგორც არის,“ - განაცხადა ტრამპმა.
სააგენტო Reuters-ის შეკითხვაზე დააწესებდა თუ არა აშშ ახალ სანქციებს რუსეთის წინააღმდეგ, ტრამპმა უპასუხა: „შესაძლოა, დავაწესო კიდეც“.
ცნობისათვის, ალექსანდრ სტუბი ცნობილია ტრამპთან თბილი ურთიერთობით. მიიჩნევა, რომ მან მნიშვნელოვანი გავლენა მოახდინა ამერიკის პრეზიდენტზე, რომელიც სკეპტიკურად იყო განწყობილი უკრაინის მიმართ.
