ლიეტუვის კულტურის მინისტრმა, ულტრამემარჯვენე პარტიის წარმომადგენელმა, იგნოტას ადომავიჩუსმა, განაცხადა, რომ ყირიმის კუთვნილებასთან დაკავშირებული კითხვა პროვოკაციული იყო და პასუხის გაცემაზე უარი თქვა.
თანამდებობის დატოვება მას ლიეტუვის პრემიერ-მინისტრმა, ინგა რუგინენემ მოსთხოვა.
ამავდროულად, ადომავიჩიუსმა განაცხადა, რომ თანამდებობას არა საკუთარი შეცდომების, არამედ გარე ზეწოლის გამო ტოვებდა, რაც საფრთხეს უქმნიდა მისი ოჯახის უსაფრთხოებას.
მან მადლობა გადაუხადა საზოგადოებას, თუმცა გაურკვეველი იყო რომელს, შემდეგ ოჯახზე ზეწოლის შესახებ ისტორიაზე გადავიდა და ბოლოს სიხარული გამოთქვა, რომ მისი პიროვნების წყალობით ყურადღება საბოლოოდ კულტურისკენ მიიპყრო.
მანამდე, გამოცემა lrytas.lt-ის ჟურნალისტმა უკრაინის ყირიმთან დაკავშირებით მინისტრის პოზიციის გარკვევა სცადა.
„ეს პროვოკაციული კითხვებია; მოდით, მათზე საერთოდ ნუ ვისაუბრებთ, რადგან ახლა კულტურის სამინისტროს შესახებ არ ვსაუბრობთ“, - უპასუხა ადომავიჩუსმა ყირიმის კუთვნილების შესახებ კითხვის უპასუხოდ დატოვებს შემდეგ.
