რუსეთის შს მინისტრმა რაშიდ ნურგალიევმა მოსკოვის ოლქის მილიციასთან საქმის გარკვევის განკარგულება გასცა, რომელმაც გადაწყვიტა ჩაეტარებინა ექსპერიმენტი და მოსკოვის ოლქის მაცხოვრებლებზე დოსიე შეეგროვებინა. ადგილობრივი სამმართველოს გეგმით, უბნის ინსპექტორებს მოქალაქეების შესახებ ინფორმაცია უნდა შეეგროვებინათ, მათ შორის უნდა ყოფილიყო ისეთი დეტალები, როგორებიცაა მაგალითად ცნობები მოქალაქეთა სექსუალურ ორიენტაციაზე, პოლიტიკურ და რელიგიურ შეხედულებებზე. მეტიც, პატაკში მილიციელები უთითებდნენ მოქალაქეთა განმასხვავებელ ნიშნებს, ჰობისა და მათ საახლობლო წრესაც.
"ინტერნეტსივრცეში განთავსებული პატაკების შინაარსის გამო რუსეთის შს სამინისტრო აცხადებს, რომ აღნიშნული მასალა მომზადებულია მოსკოვის ოლქის შს სამმართველოს მიერ და შს სამინისტროსთან შეუთანხმებლად გადაგზავნილია შინაგან საქმეთა ტერიტორიულ ორგანოებში", _ იუწყება რუსეთს შს სამინისტრო.
ამას გარდა, სამინისტროში ასევე მივიდნენ იმ დასკვნამდე, რომ უფლებების დამცველი ორგანიზაცია "სოპროტივლენიეს" მიერ გამოქვეყნებული დოკუმენტების ზოგი მდგომარეობა, არღვევენ მოქალაქეთა უფლებებს და მილიციის რწმუნებულების ოპერატიუ-სამძებრო საქმიანობის ფარგლებს გარეთ გადის.
ამასთან დაკავშირებით, ნურგალიევმა ასევე გასცა განკარგულება შესაბამისი შეფასების მიცემისა და სამსახურებრივი შემოწმების ჩატარების თაობაზე, რომელიც მოსკოვის ოლქის შს სამმართველოს ხელმძღვანელობას ეხება. ნურგალიევმა ასევე განაცხადა, რომ არავის აქვს უფლება დაარღვიოს რუსეთის შს სამინისტროში არსებული ბრძანებები და შელახოს ადამიანის უფლებები".
შეგახსენებთ, რომ გავრცელებული ინფორმაციით, მოსკოვის ოლქის სამართალდამცავებს შორის თითქოს გავრცელდა დოკუმენტი, რომელიც მათ მაცხოვრებლებზე ინფორმაციით შეგროვებასა და ამ ინფორმაციის უფროსებისათვის ჩაბარებას ითვალისწინებდა.
ინტერნეტში გავრცელებული რამდენიმე დოკუმენტიდან კი ცნობილი გახდა, რომ სამართალდამცავ ორგანოებს ყველაფერი აინტერესებთ: სექსუალური და პოლიტიკური ორიენტაციიდან დაწყებული სიგარეტის მარკით დასრულებული, რომელსაც უპირატესობას ანიჭებენ. რუსი სამართალდამცავები აღნიშნავენ, რომ აღნიშნული უსაფრთხოების ზომები "დომოდედოვოში" მომხდარი ტერაქტის შემდეგ მიიღეს.
მასალის გამოყენების პირობები
