გაეროს გენერალური მდივანი პან გი მუნი აშშ-რუსეთის სტრატეგიული შეტევითი შეიარაღების შესახებ ხელშეკრულების ძალაში შესვლას მიესალმება.
აღნიშნულთან დაკავშირებით კმაყოფილება გაეროს გენმდივანმა მიუნხენის უსაფრთხოების საერთაშორისო კონფერენციაზე სიტყვით გამოსვლისას გამოთქვა.
"ხელშეკრულება წარმოადგენს მნიშვნელოვან ისტორიულ და პოლიტიკურ დოკუმენტს, საბოლოო მიზნის _ უბირთვო მსოფლიოს მისაღწევად", _ განაცხადა პან გი მუნმა.
გაეროს გენერალურმა მდივანმა დადებითი შეფასება მისცა ასევე აღნიშნულ პროცესში აშშ-ისა და რუსეთის პრეზიდენტების ბარაკ ობამასა და დიმიტრი მედვედევის ძალისხმევას.
შეგახსენებთ, რომ სტრატეგიული შეტევითი შეიარაღების შესახებ შეთანხმება ძალაში ორი ქვეყნის საგარეო უწყების ხელმძღვანელთა მიერ შესაბამისი სარატიფიკაციო დიგელების გაცვლის შემდეგ შევა. აღნიშნული ღონისძიება კი დღეს, მიუნხენში მიმდინარე კონფერენციის ფარგლებში იგეგმება. სერგეი ლავროვი და ჰილარი კლინტონი დოკუმენტებს რამდენიმე საათში გაცვლიან.
