რუსეთმა „წამებისა და არაადამიანური ან დამამცირებელი მოპყრობის ან დასჯის აღკვეთის შესახებ ევროპული კონვენცია“ დატოვა. შესაბამის კანონს რუსეთის პრეზიდენტმა, ვლადიმირ პუტინმა ხელი უკვე მოაწერა.
კონვენციიდან გასვლის შემდეგ, რუსეთი აღარ იქნება ვალდებული, დაუშვას საერთაშორისო ინსპექტორები თავის ციხეებში. რუსი პატიმრების მიერ წამების პრევენციის ევროპულ კომიტეტში შეტანილი საჩივრები აღარ განიხილება.
უკრაინული მედიის ცნობით, რუსეთი თავის პრეტენზიას იმით ამართლებს, რომ წამების საწინააღმდეგო ევროპული კონვენცია, ისევე როგორც მისი ორი ოქმი რუსეთში აღარ მოქმედებს.
დოკუმენტი, რომელსაც რუსეთმა ხელი მოაწერა 1996 წლის 28 თებერვალს და რატიფიცირებული იქნა 1998 წლის 28 მარტს, არა მხოლოდ კრძალავს წამებას, არამედ ავალდებულებს მის პრევენციას.
