ნატო-ს უკრაინის მხარდაჭერის კოორდინატორმა, გერმანელმა გენერალ-მაიორმა მაიკ კელერმა დაადასტურა, რომ უკრაინამ მნიშვნელოვნად გააძლიერა კონტრშეტევის შესაძლებლობები ფრონტის ხაზის მიღმა მდებარე სამიზნეების წინააღმდეგ. „უკრაინელები სულ უფრო და უფრო ოსტატურად ახერხებენ რუსეთის ტერიტორიის სიღრმეში მდებარე სამხედრო ობიექტებზე ზუსტ დარტყმას. ეს შესაძლებლობების საკითხია და შესაძლებლობები პერსონალს, აღჭურვილობასა და წვრთნას მოიცავს“, - განაცხადა მან DPA-სთან ინტერვიუში.
კელერის თქმით, უკრაინის შემდგომი გაძლიერების მიზნით, ალიანსისა და კიევის თავდაცვის თანამშრომლობა ფართოვდება.
პროექტები ასევე მოიცავს შორი მოქმედების იარაღს.
კელერი უკრაინისთვის ნატოს მხარდაჭერის ინიციატივის (NSATU) მეთაურის მოადგილის თანამდებობას იკავებს.
გერმანიის მთავრობამ ცოტა ხნის წინ გამოაცხადა, რომ უკრაინას შორ მანძილზე მოქმედი დრონების წარმოებისთვის 300 მილიონ ევროს გამოუყოფს.
გაცხადებული მიზანია ამ იარაღის სისტემების რამდენიმე ათასი ერთეულის წარმოება.
უკრაინამ ასევე წარმოადგინა საკუთარი ფრთოსანი რაკეტა Flamingo და ბოლო დროს გააძლიერა თავდასხმები რუსეთის ნავთობგადამამუშავებელ ქარხნებსა და დიზელისა და ბენზინის წარმოებასთან დაკავშირებულ სამრეწველო ინფრასტრუქტურაზე.
