სირიის იუსტიციის სამინისტრომ ყოფილი პრეზიდენტის, ბაშარ ჰაფეზ ალ-ასადის დაუსწრებლად დაპატიმრების ორდერი გასცა.
სირიის მედიის ცნობით, დამასკოს მოსამართლის მიერ ხელმოწერილ დოკუმენტში ნათქვამია, რომ 60 წლის ასადზე დაკავების პრდერი შემდეგი ბრალდებებისთვის გაიცა:
• ორი ან მეტი პირის განზრახ მკვლელობა,
• თავდასხმა სამოქალაქო ომის პროვოცირების განზრახვით,
• წამება, რამაც სიკვდილი გამოიწვია.
სამართალდამცავი ორგანოები ვალდებული არიან დააკავონ ასადი, სადაც არ უნდა იყოს იგი და გადაიყვანონ შესაბამისი დაკავების ადგილას.
ბრძანების შესრულებაში შესაძლებელია შეიარაღებული ძალების დანაყოფები ჩაერთონ.
შეგახსენებთ, ბაშარ ალ-ასადი სირიის პრეზიდენტის თანამდებობიდან გადადგა და ქვეყნიდან გაიქცა მას შემდეგ, რაც შეიარაღებული ოპოზიციური ძალები დამასკში 2024 წლის 8 დეკემბერს, 14-წლიანი სამოქალაქო ომის შემდეგ შევიდნენ.
