პარიზის სასამართლომ საფრანგეთის ყოფილი პრეზიდენტი ნიკოლა სარკოზი დამნაშავედ ცნო საარჩევნო კამპანიის მუამარ კადაფის რეჟიმის მიერ დაფინანსების საქმეში. ამის შესახებ Reuters იუწყება.
პარიზის სასამართლომ საფრანგეთის ყოფილი პრეზიდენტი ნიკოლა სარკოზი დამნაშავედ ცნო კრიმინალური შეთქმულების საქმეში, რომელიც ეხებოდა მისი საარჩევნო კამპანიის დაფინანსებას მუამარ კადაფის ლიბიის მთავრობის მიერ 2005-2007 წლებში.
სარკოზი უდანაშაულოდ ცნეს იმავე საქმეში არსებულ სხვა ბრალდებებში - სახელმწიფო სახსრების მითვისებაში, პასიურ კორუფციასა და საარჩევნო კამპანიის დაფინანსების წესების დარღვევაში.
სასამართლო განაჩენს მოგვიანებით გამოაცხადებს. პროკურატურამ თავდაპირველად ყველა ბრალდებისთვის შვიდი წლით თავისუფლების აღკვეთა მოითხოვა.
სარკოზი, რომელიც საფრანგეთის პრეზიდენტის თანამდებობას 2007-2012 წლებში იკავებდა, ბრალდებებს არ აღიარებს და აცხადებს, რომ საქმე პოლიტიკურად მოტივირებულია.
