რუსეთმა ომი უნდა მოიგოს. ამის შესახებ რუსეთის კრემლის პრესსპიკერმა დმიტრი პესკოვმა განაცხადა.
„ჩვენ ძალიან ფრთხილად მივდივართ წინ, რათა არ შევამციროთ ჩვენი შეტევითი პოტენციალი. ეს ძალიან მიზანმიმართული ქმედებებია. და უმჯობესია, ეს ქმედებები დროთა განმავლობაში გადანაწილდეს, ვიდრე ვიჩქაროთ, ვიდრე ვცადოთ, რომ ზოგიერთი გამარჯვება რაღაცას დაემთხვეს, მაგრამ გაიზარდოს დაღუპულთა რაოდენობა“, - განაცხადა პესკოვმა.
მისი თქმით, რუსეთის აგრძელებს „სპეციალურ სამხედრო ოპერაციას“.
„ვაგრძელებთ სპეციალურ სამხედრო ოპერაციას ჩვენი ინტერესების დასაცავად და იმ მიზნების მისაღწევად, რომლებიც უმაღლესმა მთავარსარდალმა პუტინმა და ჩვენი ქვეყნის პრეზიდენტმა თავიდანვე დაისახა და ამას ვაკეთებთ როგორც ჩვენი ქვეყნის აწმყოსთვის, ასევე მომავლისთვის. მომავალი მრავალი თაობისთვის. ამიტომ, ჩვენ არანაირი ალტერნატივა არ გვაქვს. ახლა ომის ყველაზე მწვავე ეტაპია და ის საკმაოდ საბედისწეროა. ჩვენ უნდა მოვიგოთ ეს ომი, ჩვენი შვილების, ჩვენი შვილიშვილების, მათი მომავლის“, - განაცხადა პესკოვმა.
