აშშ-ის პრეზიდენტი დონალდ ტრამპი მიიჩნევს, რომ მას შეუძლია უნგრეთის პრემიერ-მინისტრი ვიქტორ ორბანი დაარწმუნოს, შეწყვიტოს რუსული ნავთობის შეძენა.
ნიუ იორკში, გაერო-ს გენერალური ასამბლეის მე-80 სესიის ფარგლებში, უკრაინის პრეზიდენტ ვოლოდიმირ ზელენსკისთან შეხვედრისას, ტრამპს ჰკითხეს, უნდა შეწყვიტოს თუ არა უნგრეთის პრემიერ-მინისტრმა ვიქტორ ორბანმა რუსული ნავთობის შესყიდვა.
„ის ჩემი მეგობარია. მასთან არ მისაუბრია. თუმცა, მაქვს განცდა, რომ თუ ასე მოვიქცევი, შეიძლება შეწყვიტოს. და მგონი, ასეც მოხდება“, - უპასუხა ტრამპმა.
