უკრაინული მედიის ცნობით, 22 სექტემბერს, დილის ოთხის ნახევარზე, რუსეთის ძალებმა ზაპოროჟიეში სამოქალაქო ინფრასტრუქტურა დაბომბეს, გაანადგურეს და დააზიანეს სატრანსპორტო საშუალებები. რამდენიმე ლოკაციაზე გაჩნდა ხანძარი.
ზაპოროჟიეს ოლქის სამხედრო ადმინისტრაციის ხელმძღვანელის ივან ფიოდოროვის ცნობით, ორი ადამიანი დაიღუპა, ოთხი დაშავდა, ხოლო კიდევ ერთი ადამიანი ნანგრევების ქვეშ იყო მოყოლილი.
22 სექტემბრის ღამეს, კიევსა და რამდენიმე რეგიონში უკრაინაზე რუსული დრონებით თავდასხმის გამო საჰაერო განგაში გამოცხადდა. უკრაინის საჰაერო თავდაცვის ძალები მტრის სამიზნეების წინააღმდეგ ამოქმედდნენ.
კიევის რეგიონში, რუსული ჯარების მორიგი თავდასხმის შედეგად, რამდენიმე რაიონში საცხოვრებელ შენობებს ცეცხლი გაუჩნდა, ნამსხვრევების ჩამოვარდნის შედეგად კი ერთი ადამიანი დაშავდა.
22 სექტემბერს, დაახლოებით დილის ოთხ საათზე, რუსულმა დრონებმა სუმს შეუტიეს. ქალაქის კოვპაკოვსკის რაიონში დარტყმების შედეგად ხანძარი გაჩნდა, დაზიანდა სამრეწველო ობიექტები და საგანმანათლებლო დაწესებულება. ერთი ადამიანი დაშავდა.
