რუსეთის ფედერაციის ორიოლის ოლქში რკინიგზის ლიანდაგზე აფეთქების შედეგად, „როსგვარდიის“ ორი თანამშრომელი დაიღუპა, კიდევ ერთი მძიმედ დაშავდა, შეფერხდა მატარებლების მოძრაობა.
ორიოლის ოლქის გუბერნატორის, ანდრეი კლიჩკოვის თქმით, ასაფეთქებელი მოწყობილობები ორიოლის რეგიონში რკინიგზის ლიანდაგების შემოწმების დროს აღმოაჩინეს.
გუბერნატორის თქმით, ერთ-ერთი მათგანის აფეთქების შედეგად ორი ადამიანი დაიღუპა და ერთი დაშავდა.
მან აღნიშნა, რომ მალოარხანგელსკი-გლაზუნოვკას მონაკვეთზე არაერთი საქალაქთაშორისო მატარებლის მოძრაობა შეფერხდა.
კურსკის ოლქის გუბერნატორის მოვალეობის შემსრულებელმა ალექსანდრ ხინშტეინმა განმარტა, რომ ორიოლის ოლქში რკინიგზის ლიანდაგზე ასაფეთქებელი მოწყობილობის აფეთქების შედეგად „როსგვარდიის“ ორი თანამშრომელი დაიღუპა, ხოლო ერთი მძიმედ დაშავდა.
