პორტუგალიის და გერმანიის პრეზიდენტებმა, მარსელო რებელო დე სოუზამ და ფრანკ-ვალტერ შტაინმაიერმა, დაადასტურეს, რომ მათი ქვეყნები კვლავაც უკრაინის გვერდით დარჩებიან რუსული აგრესიის წინააღმდეგ ბრძოლაში.
შტაინმაიერმა ხაზგასმით აღნიშნა, რომ პორტუგალიასა და გერმანიას „ახლო მეგობრობა“ და საერთო ღირებულებები აკავშირებთ.
მან აღნიშნა, რომ რუსეთის ომი ევროპის თავისუფლებისათვის საფრთხეს წარმოადგენს და ევროპელებს მოუწოდა ერთიანი ფრონტით მოქმედებისკენ.
„რუსეთის ომი და პოპულისტური ძალები ევროპაში საფრთხეს უქმნიან ჩვენს თავისუფლებას. სწორედ ამიტომ არის ასე მნიშვნელოვანი, ერთად მოქმედება.“
მარსელო რებელო დე სოუსამ თავის გამოსვლაში აღნიშნა: „ჩვენ ყოველთვის უკრაინასთან ერთად ვართ. ყოველთვის. ჩვენ არასდროს დავივიწყებთ უკრაინას“.
მან დასძინა, რომ პორტუგალია და გერმანია მოკავშირეები არიან ევროკავშირში, ნატო-სა და გაერო-ში და იზიარებენ ფუნდამენტურ ღირებულებებს - მშვიდობას, დემოკრატიას, სიტყვის თავისუფლებას და ადამიანის უფლებებს.
ორ პრეზიდენტს შორის შეხვედრა რებელო დე სოუზას გერმანიაში ვიზიტის ფარგლებში შედგა, რომლის უფლებამოსილების ვადაც 2026 წელს იწურება. პოლიტიკური განცხადებების გარდა, ორივე ლიდერმა ხაზი გაუსვა ორმხრივი ურთიერთობების მნიშვნელობას, კერძოდ, ტურიზმის სფეროში თანამშრომლობას.
