ბალტიის ზღვაში მდებარე რუსეთის უდიდეს პრიმორსკის ნავთობტერმინალზე უკრაინული დრონები თავს დაესხნენ; ნავთობის გადაზიდვები ამჟამად შეჩერებულია, ამის შესახებ უკრაინული მედია წყაროებზე დაყრდნობით იუწყება.
„პორტსა და სატუმბ სადგურზე ერთ-ერთ გემზე უკრაინის უსაფრთხოების ძალების დრონების წარმატებული თავდასხმის შედეგად ხანძარი გაჩნდა და ნავთობის ჩატვირთვა შეჩერდა. ექსპორტის შეწყვეტით გამოწვეული რუსეთის ბიუჯეტისთვის ყოველდღიური ზარალი, სავარაუდოდ, 41 მილიონ დოლარს შეადგენს“, - განუცხადა მედიას წყარომ.
წყაროს ცნობით, პრიმორსკი „ჩრდილოვანი ფლოტის“ დატვირთვის მთავარი კვანძია, რომლის დახმარებითაც რუსეთი საერთაშორისო სანქციებს გვერდს უვლის და ნავთობს უცხოურ ბაზრებზე ყიდის. პორტში ყოველწლიურად დაახლოებით 60 მილიონი ტონა ნავთობი გადის, რაც რუსეთისთვის დაახლოებით 15 მილიარდ დოლარი მოაქვს.
