საბერძნეთის სიდიდით მეორე კუნძულ ევბეას სამხრეთ-დასავლეთ სანაპიროსთან 5.2 მაგნიტუდის მიწისძვრა მოხდა. ბიძგები დედაქალაქ ათენშიც იგრძნობოდა, რომელიც ეპიცენტრიდან სამხრეთ-დასავლეთით მდებარეობს.
ათენის გეოდინამიკის ინსტიტუტმა თავის ვებგვერდზე განაცხადა, რომ მიწისძვრა ქალაქ ნეა სტირადან ჩრდილო-დასავლეთით ხუთი კილომეტრის დაშორებით, 13,6 კილომეტრის სიღრმეზე მოხდა.
ქალაქ მარათონასის მერმა, სტერგიოს ცირკასმა განაცხადა, რომ ბიძგები „ძალიან ძლიერი“ იყო, თუმცა ნგრევის შესახებ ინფორმაცია ჯერჯერობით არ გავრცელებულა.
სამხრეთ ევბეაში მდებარე ქალაქის, კარისტოსის მერმა განაცხადა, რომ მის ოფისსაც არ აქვს ინფორმაცია ზარალის შესახებ.
