სლოვაკეთის პრემიერ-მინისტრი რობერტ ფიცო უკრაინაში მიემგზავრება, სადაც უკრაინის პრეზიდენტ ვოლოდიმირ ზელენსკის შეხვდება.
მოლაპარაკებები პარასკევს უჟგოროდში გაიმართება.
სლოვაკეთის მთავრობის განცხადებით, ზელენსკისთან შეხვედრის დროს ფიცო ენერგეტიკული ინფრასტრუქტურის საკითხზე ფოკუსირებას გეგმავს, რის შემდეგაც ლიდერები ერთობლივ პრესკონფერენციას გამართავენ.
უჟგოროდში სლოვაკეთის პრემიერ-მინისტრი ასევე შეხვდება უკრაინის პრემიერ-მინისტრს, იულია სვირიდენკოს.
ფიცოსთან ერთად უკრაინაში ჩავა ვიცე-პრემიერი და ეკონომიკის მინისტრი დენისა საკოვა და საგარეო საქმეთა და ევროპული საქმეთა მინისტრი იურაი ბლანარი. რობერტ ფიცოს და ვოლოდიმირ ზელენსკის ორმხრივი შეხვედრები 2023 წელს სლოვაკეთის პრემიერ-მინისტრის თანამდებობაზე დაბრუნების შემდეგ აღარ გამართულა.
