რუსთაველის გამზირზე ადმინისტრაციული წესით, 2 სექტემბერს დაკავებული მომიტინგე, ლუკა დევდარიანი სასამართლომ სამართალდამრღვევად ცნო და 500- ლარიანი სახდელი დააკისრა.
ახალგაზრდა აცხადებს, რომ დაკავების შემდეგ საპოლიციო მანქანაში ჩატენეს, ფარდები ჩამოაფარეს და ფიზიკური ძალადობის მსხვერპლი გახდა.
„ძალით მომიჭირეს და ჩამტენეს მანქანაში და იქ მივიღე დაზიანება. ცივი ბოთლით – გაყინული ბოთლით – ბეჭებში მირტყეს. ერთი-ორმა თავში ჩამარტყა. მერე ჩქმეტა დამიწყეს და რომ მტკიოდა, მეც გავკარი ხელი. მანქანაში ფარდები გადმოწიეს, რომ ხალხს არ დაენახა და მერე მიმიყვანეს განყოფილებაში. "პადვალში" ჩაგიყვანთო და იქ მაგრად გცემთო,“ – თქვა დევდარიანმა „პირველებთან“.
