დიდმა ბრიტანეთმა [თითქმის 1,36 მილიარდი დოლარი] უკრაინის შეიარაღებულ ძალებს ერთი მილიარდი გირვანქა სტერლინგის დახმარება გადასცა რუსეთის გაყინული აქტივების ხარჯზე.
ამის შესახებ დიდი ბრიტანეთის თავდაცვის მინისტრმა, ჯონ ჰილიმ კიევში ვიზიტისას განაცხადა.
მისი თქმით, ეს თანხა გამოყენებულია საარტილერიიო საბრძოლო მასალის, საჰაერო თავდაცვის სისტემებისთვის განკუთვნილი რაკეტების, დრონების, სათადარიგო ნაწილების და სხვა აღჭურვილობის შესყიდვისთვის.
„დიდი ბრიტანეთი აძლიერებს სამხედრო მხარდაჭერას, რათა დაეხმაროს უკრაინას თავი დაიცვას პუტინის უკანონო შემოჭრისგან და ამავდროულად, მუშაობს მშვიდობიანი მომავლის უზრუნველყოფაზე მსურველთა კოალიციის მეშვეობით“, - ნათქვამია დიდი ბრიტანეთის მთავრობის განცხადებაში.
