პოლონეთის პრემიერ-მინისტრმა დონალდ ტუსკმა რუსეთის წინაშე ევროპას სიმტკიცისა და სოლიდარობისკენ მოუწოდა.
ამის შესახებ ტუსკმა პოლონეთ-ბელარუსის საზღვართან ევროკომისიის პრეზიდენტ ურსულა ფონ დერ ლაიენთან ერთობლივ პრესკონფერენციაზე განაცხადა.
„უკრაინაში მიმდინარე ომის ბოლო დღეები და კვირები ძალიან ნათლად აჩვენებს, რომ რუსეთის ლიდერ ვლადიმირ პუტინთან და აგრესიულ რუსეთთან არანაირი დათმობები და არანაირი ფაქიზი თამაში წარმატებამდე არ მიგვიყვანს, არ უზრუნველყოფს ჩვენს უსაფრთხოებას.
პოლონეთი, ევროპა, ნატო, შეერთებული შტატები კვლავ, როგორც ოდესღაც, როდესაც ჩვენ ვგრძნობდით მთელი დასავლეთის მხარადჭერას 45 წლის წინ, როდესაც გაჩნდა სოლიდარობა, ასევე დღესაც უნდა ვიყოთ მკაცრები, მტკიცენი, სოლადარულები ბოროტების იმპერიის მორიგი ვერსიის წინაშე“, - აღნიშნა ტუსკმა.
მისი თქმით, ევროპა უნდა იყოს კარგად მომზადებული.
„პოლონეთი კარგად ემზადება, და ევროკავშირი და თქვენ, პირადად, ქალბატონო პრეზიდენტო, ასევე აქ ხართ, რათა ვიპოვოთ არგუმენტები, რომ დავარწმუნით ყველა ევროპაში, რომ ეს არის საზღვარი, რომელიც ჩვენ უნდა დავიცვათ, რომელშიც უნდა ჩავდოთ ევროპული ფული“, - განაცხადა ტუსკმა.
მისი თქმით, პოლონეთი მომავალ წელს 200 მილიარდი ზლოტის ინვესტირებას გეგმავს თავდაცვაში, თავდაცვის ინდუსტრიასა და პოლონეთის არმიაში.
„მომავალ წელს პოლონეთი 200 მილიარდი ზლოტის ინვესტირებას აპირებს თავდაცვაში, თავდაცვის ინდუსტრიასა და პოლონეთის არმიაში. ამიტომ, ჩვენ სერიოზულად ვეკიდებით ჩვენს პასუხისმგებლობას და ველით, რომ ევროპის ყველა ინსტიტუტი და ქვეყანა აღმოსავლეთ საზღვრის უსაფრთხოების საკითხს ისეთივე სერიოზულობით მოეკიდება და მკაცრ პოზიციას დაიკავებს აგრესორისა და რუსეთის მიმართ“, - განაცხადა პოლონეთის პრემიერმა.
