ჩინეთი და სომხეთი სტრატეგიულ პარტნიორობაზე შეთანხმდნენ. შეთანხმება ჩინეთის ქალაქ ტიანძინში, შანხაის თანამშრომლობის ორგანიზაციის სამიტის (SCO) ფარგლებში გამართულ შეხვედრაზე იქნა მიღწეული.
„შეხვედრის შემდეგ მხარეებმა გამოაცხადეს სომხეთსა და ჩინეთს შორის სტრატეგიული პარტნიორობის დამყარების შესახებ, რის შესახებაც ერთობლივი განცხადება მიიღეს“, - იტყობინება სომხეთის მთავრობის პრესსამსახური.
სომხეთის პრემიერ-მინისტრი ნიკოლ ფაშინიანი მონაწილეობს SCO+ ფორმატის სამიტის შეხვედრაში და მის ფარგლებში გამართულ ღონისძიებებში.
აღნიშნულია, რომ შეხვედრაზე სომხეთის პრემიერ-მინისტრმა და ჩინეთის სახალხო რესპუბლიკის ლიდერმა სი ძინპინმა განაცხადეს მეცნიერების, განათლების, კულტურის, ტურიზმის, ინფორმაციისა და მეტროლოგიის სფეროებში თანამშრომლობის განვითარების მნიშვნელობაზე.
ფაშინიანმა დაადასტურა სომხეთის სურვილი, შეუერთდეს შანხაის თანამშრომლობის ორგანიზაციას; მიღწეული იქნა შეთანხმება შანხაის თანამშრომლობის ორგანიზაციაში თანამშრომლობის გაღრმავების შესახებ.
სომხეთის მთავრობის ცნობით, ჩინეთის პრეზიდენტმა განაცხადა, რომ მისი ქვეყანა „უპირობოდ უჭერს მხარს სომხეთის რესპუბლიკის პოლიტიკურ დამოუკიდებლობას, სუვერენიტეტსა და ტერიტორიულ მთლიანობას, მხარს უჭერს სომხეთის მთავრობის პროექტს „მშვიდობის გზაჯვარედინი“ და რეგიონული საკომუნიკაციო გზების განბლოკვას“.
