ჩინეთის პრეზიდენტი სი ძინპინი მხარს უჭერს შანხაის თანამშრომლობის ორგანიზაციაში (SCO) სომხეთისა და აზერბაიჯანის გაწევრიანებას.
სი ძინპინმა შეხვედრები გამართა სომხეთის პრემიერ-მინისტრ ნიკოლ ფაშინიანთან და აზერბაიჯანის პრეზიდენტ ილჰამ ალიევთან, რომლებიც ჩინეთში იმყოფებიან შანხაის თანამშრომლობის ორგანიზაციის სამიტზე და მეორე მსოფლიო გამარჯვების 80 წლისთავის აღსანიშნავ სამხედრო აღლუმზე დასასწრებად.
„ჩინეთი მხარს უჭერს სომხეთის შანხაის თანამშრომლობის ორგანიზაციაში (SCO) გაწევრიანებას და მზადაა ითანამშრომლოს მასთან ნამდვილი მრავალმხრივი ურთიერთობებისთვის და ერთად იმუშაოს ისეთი საზოგადოების მშენებლობის ხელშესაწყობად, რომელიც აერთიანებს ადამიანთა ბედს“, - განაცხადა ჩინეთის ლიდერმა სომხეთის პრემიერ-მინისტრთან შეხვედრაზე.
ალიევთან შეხვედრაზე სი ძინპინმა განაცხადა: „ჩინეთი მხარს უჭერს აზერბაიჯანის შანხაის თანამშრომლობის ორგანიზაციაში გაწევრიანებას და მზადაა მჭიდროდ ითანამშრომლოს მასთან მრავალმხრივ საფუძველზე, რათა დაიცვას გლობალური სამხრეთის საერთო ინტერესები და ხელი შეუწყოს ისეთი საზოგადოების შექმნას, რომელიც გააერთიანებს ხალხის ბედს“.
