ევროპამ უკრაინისთვის უსაფრთხოების გარანტიების უზრუნველყოფაში წამყვანი როლი უნდა შეასრულოს. ამის შესახებ ევროკომისიის პრეზიდენტმა ურსულა ფონ დერ ლაიენმა, ესტონეთში ვიზიტისას განაცხადა.
„უკრაინის უსაფრთხოება მთელი ევროპის უსაფრთხოებაა, სწორედ ამიტომ ბუნებრივია, რომ უსაფრთხოების გარანტიების უზრუნველყოფაში წამყვანი როლი უნდა შევასრულოთ“, - განაცხადა ევროკომისიის პრეზიდენტმა ესტონეთის პრემიერ-მინისტრ კრისტენ მიხალთან ემარის საჰაერო ბაზაზე შეხვედრაზე.
მისი თქმით, ევროკავშირი ცდილობს გაარკვიოს, რა არის ზუსტად საჭირო და რამდენად არის მზად ევროკავშირის თითოეული წევრი მხარი დაუჭიროს უკრაინას.
მისი თქმით, სწორედ ამ მიზნით, ხვდებიან ერთმანეთს თავდაცვის უწყებების ხელმძღვანელები.
„რა თქმა უნდა, ჩვენ გვჭირდება დაცვა, რომელსაც ამერიკელები უზრუნველყოფენ.
„პრეზიდენტმა ტრამპმა განაცხადა, რომ ამერიკელების ყოფნა გარდაუვალია და ისინი დამცავ ზომებს წარმოადგენენ“, - აღნიშნა ფონ დერ ლაიენმა.
