რუსეთის პრეზიდენტი ვლადიმერ პუტინი ოფიციალური ვიზიტით ჩინეთში ჩავიდა. ჩინური საინფორმაციო სააგენტოების ცნობით, პუტინის თვითმფრინავი ჩინეთის ქალაქ ტიანძინში, ბინჰაის აეროპორტში კვირა დილით, 31 აგვისტოს დაეშვა.
ჩინეთის ლიდრის, სი ძინპინის მიწვევით, რუსეთის პრეზიდენტის ვიზიტი ჩინეთში ოთხ დღეს - 31 აგვისტოდან 3 სექტემბრამდე გაგრძელდება.
რუსეთის პრეზიდენტის თანაშემწის, იური უშაკოვის თქმით, ერთ ქვეყანაში ასეთი ხანგრძლივი ვიზიტები ძალიან იშვიათია.
პუტინი შანხაის თანამშრომლობის ორგანიზაციის სამიტში მიიღებს მონაწილეობას, რომელიც ტიანძინში 31 აგვისტოდან 1 სექტემბრამდე გაიმართება.
პუტინი ასევე დაესწრება პეკინში მეორე მსოფლიო ომის დასრულების 80 წლისთავისადმი მიძღვნილ სამხედრო აღლუმს.
აღლუმს ასევე დაესწრება 26 სახელმწიფო და მთავრობის მეთაური. მათ შორის არიან: აზერბაიჯანის პრეზიდენტი ილჰამ ალიევი, სომხეთის პრეზიდენტი ვაჰან ხაჩატურიანი, ბელარუსის პრეზიდენტ ალექსანდრ ლუკაშენკა, სერბეთის პრეზიდენტი ალექსანდრ ვუჩიჩი, სლოვაკეთის პრემიერ-მინისტრი რობერტ ფიცო და უნგრეთის საგარეო საქმეთა მინისტრი პიტერ სიიარტო.
