28 აგვისტოს თურქეთის საგარეო საქმეთა სამინისტრომ მოკლე განცხადება გაავრცელა ისრაელის პრემიერ-მინისტრ ბენიამინ ნეთანიაჰუს განცხადების საპასუხოდ, სადაც მან თქვა, რომ აღიარებს სომეხთა გენოციდს.
"ნეთანიაჰუ, რომელთან დაკავშირებითაც პალეტინის ხალხის წინააღმდეგ გენოციდში მონაწილეობისთვის სასამართლო მიმდინარეობს, ცდილობს დაფაროს საკუთარი და მისი მთავრობის მიერ ჩადენილი დანაშაულები. ჩვენ უარვყოფთ ამ განცხადებას, რომელიც ეწინააღმდეგება ისტორიულ და სამართლებრივ ფაქტებს", - განაცხადა სამინისტრომ.
27 აგვისტოს, პოდკასტერ პატრიკ ბეტ-დევიდთან ინტერვიუში ნეთანიაჰუმ განაცხადა, რომ ქნესეთმა მიიღო რეზოლუცია სომეხთა გენოციდის აღიარების შესახებ. გარდა ამისა, მან დასძინა, რომ პერსონალურადაც აღიარებს სომეხთა გენოციდს. ნეთანიაჰუ ისრაელის პირველი პრემიერ-მინისტრია, რომელმაც ასეთი განცხადება გააკეთა.
"ნეთანიაჰუს განცხადებები 1915 წლის ინციდენტებთან დაკავშირებით, წარსულის ტრაგედიების პოლიტიკური მიზნებისთვის გამოყენების", - აღნიშნავს თურქეთის საგარეო საქმეთა სამინისტრო.
თურქეთი კატეგორიულად უარყოფს ბრალდებას სომხების გენოციდს შესახებ. ამასთან, ანკარა აღიარებს ოსმალეთის იმპერიაში მრავალი სომხის დაღუვას, თუმცა საკამათოდ მიიჩნევს დაღუპულთა რაოდენობას და მკვლელობის სისტემურ ხასიათს.
