რუსეთის ფედერალური უსაფრთხოების სამსახურმა "დომოდედოვოში" მომხდარი ტერაქტის სავარაუდო ორგანიზატორი დაადგინა. ეს განცხადება რუსეთის "ეფ-ეს-ბეს" ხელმძღვანელმა ალექსანდრე ბორტნიკოვმა რუსეთის პრეზიდენტთან დიმიტრი მედვედევთან შეხვედრისას გააკეთა.
"ჩვენ სავარაუდოდ ვიცით ვინ არის ორგანიზატორი", _ განაცხადა ბორტნიკოვმა და აღნიშნა, რომ ამასთან ერთად ასევე დადგენილია იმ პირთა ვინაობა ვინც არ ტერაქტთან არიან დაკავშირებულნი.
მანვე დაადასტურა ინფორმაცია იმის შესახებ, რომ ტერორისტი-თვითმკვლელის ვინაობა უკვე დადგენილია.
"ტერორისტი-თვითმკვლელის ვინაობა დადგენილია. დავასახელებ მხოლოდ მის ასაკს - 20 წელი. იგი არის მაცხოვრებელი ერთ ერთი ჩრდილოკავკასიური რესპუბლიკისა და ერთ ერთ ბანდაში იგი გასული წლის აგვისტოში გაწევრიანდა", _ განაცხადა ბორტნიკოვმა.
მისივე თქმით, ამჟამად ტარდება ყველა ზომა იმისათვის, რათა ტერაქტში მონაწილე ყველა ადამიანი დაკავებული იყოს.
შეგახსენებთ, რომ 24 იანვარს მოსკოვის "დომოდედოვოს" აეროპორტში ტერორისტმა-თვითმკვლელმა თავი აიფეთქა. აფეთქების შედეგად 36 ადამიანი დაიღუპა.
