ევროპელი ლიდერები სამშაბათს, 19 აგვისტოს, ონლაინ შეხვედრას გამართეს, რათა განეხილათ კიევსა და მოსკოვს შორის სამომავლო სამშვიდობო შეთანხმების ფარგლებში უკრაინაში ბრიტანეთისა და საფრანგეთის ჯარების გაგზავნის გეგმები.
კერძოდ, განხილვა ჯარების რაოდენობასა და განლაგებას ეხებოდა. ამის შეასხებ Bloomberg წყაროებზე დაყრდნობით იუწყება.
მათი თქმით, დაახლოებით 10-მა ქვეყანამ, მათ შორის დიდმა ბრიტანეთმა და საფრანგეთმა, გამოაცხადეს მზადყოფნა, გაგზავნონ თავიანთი ჯარები უკრაინაში.
Bloomberg -ის წყაროების ცნობით, ევროპელების მიერ შემუშავებული გეგმის პირველი ეტაპი უკრაინის შეიარაღებული ძალების გაძლიერებას უკრაინელი სამხედრო მოსამსახურეების წვრთნისა და მათი პირადი შემადგენლობის შევსების გზით გულისხმობს.
გამოცემა აღნიშნავს, რომ ამას, სავარაუდოდ, განახორციელებს „ძირითადად ევროპული ჯარისკაცებისგან შემდგარი მრავალეროვნული გუნდი“, მათ შორის „ასობით“ ბრიტანელი და ფრანგი ჯარისკაცი, რომლებიც უკრაინაში, ფრონტის ხაზიდან მოშორებით განლაგდებიან.
Bloomberg წერს, რომ გეგმის კიდევ ერთი ნაწილი ითვალისწინებს შეერთებული შტატების მხარდაჭერას, რაც მოიცავს დაზვერვის ცნობების გაზიარებას, საზღვრის მეთვალყურეობას, იარაღის და სავარაუდოდ, საჰაერო თავდაცვის სისტემებს მიწოდებას.
