აშშ-ის პრეზიდენტმა დონალდ ტრამპმა განაცხადა, რომ პრეზიდენტის რანგში ის უკრაინაში ამერიკელი ჯარისკაცების გაგზავნას არ დაამტკიცებს. ამის შესახებ მან Fox News-ისეთერში ისაუბრა.
უსაფრთხოების გარანტიების პერსპექტივებთან დაკავშირებით შეკითხვაზე ტრამპმა განაცხადა, რომ ევროპული ქვეყნები პირველ როლს შეასრულებენ.
„მათ [საფრანგეთი, გერმანია და ბრიტანეთი] სურთ, რომ ჯარები ადგილზე ჰყავდეთ. არ მგონია, რომ ეს პრობლემა იყოს“, - თქვა მან.
შეკითხვაზე, შეუძლია თუ არა მას გარანტიის მიცემა, რომ ამერიკელი ჯარისკაცები უკრაინაში არ იქნებიან, ტრამპმა უპასუხა: „თქვენ გაქვთ ჩემი გარანტია და მე ვარ პრეზიდენტი“.
„მე უბრალოდ ვცდილობ, რომ ადამიანების მკვლელობები შევაჩერო“, - თქვა ტრამპმა.
