აშშ-ის პრეზიდენტმა დონალდ ტრამპმა განაცხადა, რომ რუსეთის პრეზიდენტ, ვლადიმირ პუტინს და უკრაინის პრეზიდენტ ვოლოდიმირ ზელენსკის სურთ, რომ ის დაესწროს შესაძლო შეხვედრას, რომელზეც მშვიდობის მიღწევის გზები განიხილება. ამის შესახებ ტრამპმა Fox News-თან ინტერვიუში ისაბრა.
„ორივეს უნდა, რომ იქ ვიყო. ორივეს უნდა, რომ იქ ვიყო და მე იქ ვიქნები“, - თქვა მან.
შეკითხვაზე, დარწმუნებულია თუ არა, რომ მშვიდობა შედარებით მოკლე დროში დამყარდება, ტრამპმა უპასუხა: „საკმაოდ მოკლე დროში, დიახ“.
ტრამპმა ასევე აღიარა, რომ შეცდა, როდესაც ამბობდა, რომ უკრაინის წინააღმდეგ ომის გადაწყვეტა ყველაზე მარტივი იქნებოდა სხვა კონფლიქტებთან შედარებით, რის გამოც საარჩევნო კამპანიის დროს პირობა დადო, რომ ამ ომს 24 საათში დაასრულებდა.
„ვფიქრობდი, რომ ეს ყველა კონფლიქტს ყველაზე მარტივი იქნებოდა, მაგრამ ყველაზე რთული აღმოჩნდა,“ - აღნიშნა ტრამპმა.
შეგახსენებთ, აშშ-ის პრეზიდენტ დონალდ ტრამპსა და რუსეთის ლიდერ ვლადიმირ პუტინს შორის შეხვედრა შეთანხმების მიღწევის ან ცეცხლის შეწყვეტის გამოცხადების გარეშე დასრულდა, მიუხედავად „მნიშვნელოვანი პროგრესის“ შესახებ გაკეთებული განცხადებებისა.
