ალასკაში, ანკორიჯის სამხედრო ბაზაზე შეხვედრი პირველი ნაწილის დასრულების შემდეგ, შეერთებული შტატების პრეზიდენტმა დონალდ ტრამპმა და რუსეთის პრეზიდენტმა ვლადიმირ პუტინმა ერთობლივი პრესკონფერენცია გამართეს.
აშშ-ის პრეზიდენტმა დონალდ ტრამპმა განაცხადა, რომ მას "ყოველთვის ჰქონდა ფანტასტიკური ურთიერთობა პრეზიდენტ პუტინთან", თუმცა ამ ურთიერთობის განვითარებას ხელი შეუშალა 2016 წლის აშშ-ის საპრეზიდენტო არჩევნებში მოსკოვის ჩარევის შესახებ ბრალდებებმა
ტრამპმა განაცხადა, რომ მან და რუსეთის პრეზიდენტმა ვლადიმერ პუტინმა ორმხრივ შეხვედრაზე "გარკვეული პროგრესს" და "დიდი პროგრესს" მიაღწიეს.
როგორც მან დასძინა, მიუხედავად პროგრესისა, შეთანხმება ჯერჯერობით არ არის მიღწეული.
"ჩვენ გვქონდა ძალიან პროდუქტიული შეხვედრა და ბევრ საკითხზე შევთანხმდით. საბოლოო შეთანხმებას ვერ მივაღწიეთ, მაგრამ ძალიან კარგი შანსი გვაქვს, რომ მივაღწიოთ".
პრესკონფერენციაზე ტრამპმა ასევე განაცხადა, რომ დაურეკავს ევროპელ მოკავშირეებსა და უკრაინის პრეზიდენტ ვოლოდიმირ ზელენსკის და ინფორმაციას მიაწვდის დღევანდელი შეხვედრის შესახებ.
ტრამპმა და პუტინმა განცხადებების შემდეგ პრესკონფერენციაზე ჟურნალისტების კითხვებს არ უპასუხეს.
