უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-ის პრეზიდენტ დონალდ ტრამპისა და რუსეთის პრეზიდენტ ვლადიმირ პუტინოს შორის შეხვედრა მნიშვნელოვანია ორმხრივი მოლაპარაკებებისთვის, თუმცა ისინი უკრაინის წარმომადგენლის გარეშე უკრაინასთან დაკავშირებით გადაწყვეტილების მიღებას ვერ შეძლებენ.
„რაც შეეხება მოლაპარაკებებს, ნებისმიერ შემთხვევაში, ისინი მნიშვნელოვანია ლიდერების დონეზე, მაგრამ უკრაინაზე საუბარი უკრაინის გარეშე შეუძლებელია და ამას არავინ მიიღებს.
ამიტომ, პუტინსა და ტრამპს შორის საუბარი შეიძლება მნიშვნელოვანი იყოს მათი ორმხრივი ურთიერთობებისთვის. მაგრამ ისინი ჩვენს გარეშე ვერაფერს მიიღებენ უკრაინასთან დაკავშირებით. მე ნამდვილად მჯერა და იმედი მაქვს, რომ აშშ-ის პრეზიდენტი ამას გაიგებს და გააცნობიერებს,“ - განაცხადა უკრაინის პრეზიდენტმა.
ზელენსკიმ ასევე დასძინა, რომ იგეგმება ლიდერების დონეზე სამმხრივი შეხვედრა, თუმცა თარიღი ჯერ უცნობია: „იქ გარკვეული საკითხები წამოიჭრება. სიმართლის მხარეს დადგომა, უპირობოდ ყველაფრის გაკეთება, რათა ეს ომი დასრულდეს. არის რაღაცები, რაც გულში გაქვს და არის რაღაცები, რაც კონსტიტუციაშია ჩაწერილი“, - განაცხადა ზელენსკიმ.
