უკრაინის პრეზიდენტმა ვოლოდიმირ ზელენსკიმ განაცხადა, რომ რუსები „ამერიკის მოტყუებას“ აპირებენ, თუმცა უკრაინა ამას არ დაუშვებს. ამის შესახებ ზელენსკიმ ვიდეომიმართვისას ისაუბრა.
„ჩვენი გუნდი აშშ-სთან მუშაობს. არც ერთი დღით არ ვწყვეტთ კომუნიკაციას იმის შესახებ, თუ როგორ უზრუნველვყოთ ნამდვილი მშვიდობა. ჩვენ ვხედავთ რუსების განზრახვა, სცადონ ამერიკის მოტყუება. ჩვენ ამას არ დავუშვებთ,“ - განაცხადა ზელენსკიმ.
როგორც ზელენსკიმ აღნიშნა, „ყველა ხედავს, რომ რუსეთმა მშვიდობისკენ არც ერთი რეალური ნაბიჯი არ გადადგა, არც ერთი ნაბიჯი ხმელეთზე ან ჰაერში, რასაც შეეძლო სიცოცხლე გადაერჩინა“.
ამიტომ, მან მოუწოდა აშშ-ს, ევროპისა და სხვა ქვეყნების მხრიდან რუსეთზე სანქციებისა და ზეწოლისკენ.
„თუ რუსეთს ომის შეჩერება არ სურს, მაშინ მისი ეკონომიკა უნდა შეჩერდეს“, - განაცხადა პრეზიდენტმა.
ამავდროულად, მან აღნიშნა, რომ დიდად აფასებს „იმ გადაწყვეტილებას, რომლითაც პრეზიდენტი ტრამპი მკვლელობების შეჩერებას ცდდილობს.
ამასთან, ზელენსკიმ დასძინა, რომ „ამ მკვლელობების ერთადერთი ძირითადი მიზეზი პუტინის სურვილია, ებრძოლოს და იმანიპულიროს ყველასთან, ვისთანაც კონტაქტობს“.
