უკრაინის პრეზიდენტმა ვოლოდიმირ ზელენსკიმ განაცხადა, რომ ბოლო დღეებში დიპლომატიური მუშაობის მაღალი ინტენსივობის მიუხედავად, რუსეთის პოზიცია უცვლელი რჩება.
ამის შესახებ ზელენსკიმ სოციალურ ქსელში დანიის პრემიერ-მინისტრ მეთე ფრედერიკსენთან საუბრის შემდეგ დაწერა.
„რუსებს არ სურთ მკვლელობების შეჩერება, ისინიც ინვესტირებას ახდენენ ომში და ასევე ავრცელებენ უკრაინის ტერიტორიის უკრაინის ტერიტორიაზე „გაცვლის“ იდეას, რომლის შედეგებიც არ იძლევა გარანტიას, გარდა იმისა, რომ რუსებს ომის განახლებისთვის უფრო მოსახერხებელი პოზიციები ექნებათ,“ - თქვა ზელენსკიმ.
პრეზიდენტმა აღნიშნა, რომ უკრაინისა და მისი პარტნიორების ყველა ნაბიჯმა ომის რეალურ დასრულებასთან უნდა მიგვიყვანოს და არა მის „რეკონფიგურაციასთან“ და საერთო უსაფრთხოებისთვის ვიმუშაოთ.
მხარეებმა ასევე განიხილეს უკრაინისა და მოლდოვის ევროკავშირში გაწევრიანების საკითხი.
ზელენსკი და ფრედერიქსენი შეთანხმდნენ, რომ პროცესი უნდა იყოს სამართლიანი და ორივე ქვეყნის მიერ ნაკისრი ვალდებულებების შესრულებაზე დაფუძნებული.
