დონალდ ტრამპის ადმინისტრაციამ ვენესუელის პრეზიდენტის, ნიკოლას მადუროს დაპატიმრებისთვის დაწესებული ჯილდო 25 მილიონიდან 50 მილიონ დოლარამდე გაზარდა.
ამის შესახებ აშშ-ის გენერალურმა პროკურორმა, პამ ბონდიმ განაცხადა.
„მადურო უცხოურ ტერორისტულ ორგანიზაციებს იყენებს... ჩვენს ქვეყანაში სასიკვდილო ნარკოტიკებისა და ძალადობის შემოსატანად.", - განაცხადა ბონდიმ.
მისივე თქმით, მადურო ვერ გაექცევა სამართლიანობას და ის პასუხს აგებს თავისი საზიზღარი დანაშაულებისთვის.
მადუროს ბრალი მანჰეტენის ფედერალურ სასამართლოში 2020 წელს, ტრამპის პირველი საპრეზიდენტო ვადის დროს წაუყენეს. იმ დროს აშშ-მა მისი დაპატიმრებისთვის 15 მილიონი დოლარის ჯილდო დააწესა.
მოგვიანებით ჯო ბაიდენის ადმინისტრაციამ ჯილდო 25 მილიონ დოლარამდე გაზარდა, ანალოგიური თანხა 2001 წელს ოსამა ბინ ლადენის დაჭერისთვის იყო დაწესებული.
