თეთრი სახლის განცხადებით, მოსკოვში სპეციალური წარმომადგენლის სტივ უიტკოფის შეხვედრის დროს აშშ-სა და რუსეთის პრეზიდენტებს შორის შეხვედრის გამართვის ინიციატივით რუსული მხარე გამოვიდა.
ამის შეასახებ თეთრი სახლის პრესმდივანმა ქეოლაინ ლევიტმა განაცხადა.
„როგორც პრეზიდენტმა ტრამპმა დღეს (ოთხშაბათს) Truth Social-ის ეთერში განაცხადა, სპეციალური წარმომადგენლის, უიტკოფისა და პრეზიდენტ პუტინის შეხვედრის დროს დიდი პროგრესი იქნა მიღწეული.
რუსებმა გამოთქვეს პრეზიდენტ ტრამპთან შეხვედრის სურვილი და პრეზიდენტი ღიაა როგორც პრეზიდენტ პუტინთან, ასევე პრეზიდენტ ზელენსკისთან შეხვედრისთვის“, - განაცხადა ლევიტმა.
თეთრი სახლის პრესმდივანმა ასევე ხაზგასმით აღნიშნა, რომ ტრამპი ყველაფერს აკეთებს ამ ომის დასრულებისთვის.
ამავდროულად, მას არ დაუკონკრეტრბია, ვისი ინიციატივა იყო აშშ-ის, უკრაინისა და რუსეთის პრეზიდენტების ერთობლივი შეხვედრის ჩატარება ტრამპსა და პუტინს შორის შესაძლო მოლაპარაკებების შემდეგ.
შეგახსენებთ, The New York Times-მა ორ წყაროზე დაყრდნობით გაავრცელა ინფორმაცია, რომ აშშ-ის პრეზიდენტი დონალდ ტრამპი მომავალ კვირას კრემლის ლიდერ ვლადიმირ პუტინთან შეხვედრას გეგმავს, შემდეგ კი სამმხრივ შეხვედრას გამართავს უკრაინის პრეზიდენტ ვოლოდიმირ ზელენსკისთან და პუტინთან ერთად.
