Reuters თეთრი სახლის ანონიმურ წარმომადგენელზე დაყრდნობით, იტყობინება, რომ დონალდ ტრამპის ადმინისტრაცია რუსეთის წინააღმდეგ მეორადი სანქციების გამოცხადებას 8 აგვისტოს გეგმავს.
აშშ-ის ოფიციალურმა პირის განცხადებით, აშშ-ის სპეციალური წარმომადგენლის, სტივ უიტკოფისა და კრემლის ლიდერის, ვლადიმირ პუტინის შეხვედრამ მოსკოვში კარგად ჩაიარა.
„რუსები დაინტერესებულნი არიან შეერთებულ შტატებთან დიალოგის გაგრძელებით, ამის მიუხედავად, მეორადი სანქციების გამოცხადება პარასკევს იგეგმება“, - თქვა მან.
როგორც ცნობილია, 8 აგვისტოს იწურება ბოლო, ათდღიანი ვადა, რომელიც ამერიკის პრეზიდენტმა რუსეთს მისცა ცეცხლის შეწყვეტაზე დათანხმებისა და უკრაინის წინააღმდეგ ომის დასრულებისთვის.
მოსკოვში აშშ-ის პრეზიდენტის სპეცწარმოადგენლის, სტივ უიტკოფისა და რუსეთის პრეზიდენტის, ვლადიმირ პუტინის შეხვედრა დასრულდა, რომელიც დაახლოებით სამ საათს გრძელდებოდა.
