აშშ-ის პრეზიდენტმა დონალდ ტრამპმა განაცხადა, რომ სპეციალურმა წარმომადგენელმა სტივ უიტკოფმა კრემლის ლიდერ ვლადიმირ პუტინთან „პროდუქტიული შეხვედრა“ გამართა. ამის შესახებ ტრამპი Truth Social-ში წერს.
„ჩემს სპეციალურ წარმომადგენელ უიტკოფს პუტინთან ძალიან პროდუქტიული შეხვედრა ჰქონდა. მნიშვნელოვანი პროგრესია მიღწეული! ამის შემდეგ, მე ვაცნობე ჩვენს ზოგიერთ ევროპელ მოკავშირეს. ყველა თანხმდება, რომ ეს ომი უნდა დასრულდეს და ჩვენ ამაზე უახლოეს დღეებსა და კვირებში ვიმუშავებთ,“ - განაცხადა ტრამპმა.
