5 აგვისტოს, უკრაინის პრეზიდენტმა ვოლოდიმირ ზელენსკიმ ამერიკის ლიდერ დონალდ ტრამპთან სატელეფონო საუბარი გამართა და მასთან მიმდინარე საკითხები განიხილა.
„პროდუქტიული საუბარი მქონდა პრეზიდენტ ტრამპთან. საკვანძო [საკითხო], რა თქმა უნდა, ომის დასრულებაა. ჩვენ მადლიერები ვართ აშშ-ის პრეზიდენტის სამართლიანი და ხანგრძლივი მშვიდობისთვის გაწეული ყველა ძალისხმევისთვის. მკვლელობები რაც შეიძლება მალე უნდა შეწყდეს, ჩვენ ამას სრულად ვუჭერთ მხარს. ომის გარეშე მრავალი თვე შეიძლებოდა ყოფილიყო, რუსებს რომ არ გაეჭიანურებინათ.
დღეს ჩვენ შევათანხმეთ ჩვენი პოზიციები - უკრაინამ და შეერთებულმა შტატებმა. ჩვენ გავცვალეთ შეფასებები სიტუაციის შესახებ: რუსებმა გაზარდეს დარტყმების სისასტიკე. პრეზიდენტი ტრამპი სრულად არის ინფორმირებული კიევზე და ჩვენს სხვა ქალაქებსა და თემებზე რუსეთის მიერ განხორციელებული დარტყმების შესახებ“, - წერს ზელენსკი.
გარდა ამისა, მხარეებმა განიხილეს რუსეთის წინააღმდეგ სანქციები, ერთობლივი ევროპული გადაწყვეტილებები, რომლებიც შეიძლება დაეხმაროს უკრაინის თავდაცვას და ამერიკასთან ორმხრივი თავდაცვის თანამშრომლობა.
ზელენსკის თქმით, უკრაინულმა მხარემ დრონების შესახებ შეთანხმების პროექტი უკვე მოამზადა და მზადაა, დეტალურად განიხილოს და გააფორმოს.
