რუსეთის პრეზიდენტის პრესმდივანმა დმიტრი პესკოვმა განაცხადა, რომ ზოგიერთი დასავლური ქვეყანა ცდილობს სუვერენულ ქვეყნებს რუსეთთან ვაჭრობის შეწყვეტა აიძულოს.
„ჩვენ გვესმის მრავალი განცხადება, რომელიც სინამდვილეში მუქარას წარმოადგენს - მცდელობებს, აიძულონ ქვეყნები, შეწყვიტონ სავაჭრო ურთიერთობები რუსეთთან“, - განუცხადა პესკოვმა ჟურნალისტებს შეკითხვაზე ხედავს თუ არა კრემლი საფრთხეს რუსული ენერგორესურსების ექსპორტისთვის.
მანამდე ინდოეთის საგარეო საქმეთა სამინისტროს წარმომადგენელმა, რანდჰირ ჯაისვალმა, განაცხადა, რომ ქვეყანა აშშ-სა და ევროკავშირის მხრიდან რუსული ნავთობის იმპორტთან დაკავშირებით განხორციელებულ თავდასხმებს უსაფუძვლოდ და დაუსაბუთებლად მიიჩნევს და საკუთარი ინტერესებისა და ეკონომიკური უსაფრთხოების დასაცავად ზომებს მიიღებს.
