საქართველოს მთავრობა ჯავახეთში დაცული ტერიტორიის შექმნას გეგმავს. აღნიშნულთან დაკავშირებით მთავრობამ საკანონმდებლო ინიციატივით "ჯავახეთის დაცული ტერიტორიების შექმნისა და მათვის შესახებ" პარლამენტს უკვე მიმართა.
"საქართველოს გეოგრაფიული მდგომარეობა და რესურსები იძლევა საშუალებას, რომ გვქონდეს დაცული ტერიტორიები შესაბამისი ინფრასტრუქტურით. ერთ-ერთი მნიშვნელოვანი პროექტი განხორცილდება ჯავახეთის დაცული ტერიტორიების სახით. ვფიქრობთ, აღნიშნული რეგიონი ამის საშუალებას იძლევა", - აღნიშნა "ჯი-ეიჩ-ენთან" საუბრისას მთავრობის საპარლამენტო მდივანმა გია ხუროშვილმა.
მისი თქმით, მთავრობის ამოცანაა, საქართველოს ბუნებას მოუაროს, მით უმეტეს, როდესაც მნიშვნელოვან ადგილი უკავია მსოფლიოში ეკოლოგიურ პრობლემებს.
"კანონპროექტის მიზანია, პირველ რიგში, ეკოსისტემების დაცვა. შესაბამისად, დაცული ტერიტორიების შექმნა გულისხმობს იმავდროულად სათანადო ინფრასტრუქტურის განვითარებას, რომელიც დაინტერესების საგანი გახდება, როგორც ქართველობისთვის, ასევე უცხოელებისთვის. ამას ინვესტიციების გახორციელებაც მოჰყვება", - აღნიშნა მთავრობის საპარლამენტო მდივანმა.
