ენერგოვაუჩერების დარიგება 10 თებერვლიდან დაიწყება. ამის შესახებ განცხადება ენერგეტიკის მინისტრმა ალექსანდრე ხეათგურმა პრეზიდენტ მიხეილ სააკაშვილის ეკონომიკური გუნდის მინისტრებთან შეხვედრისას გააკეთა.
ხეთაგურის განმარტებით, 20 ლარის მოცულობის ენერგოვაუჩერები ამ დროისთვის დაბეჭვდის სტადიაშია, მისი დარიგება 10 თებერვალს დაიწყება და 15 მარტამდე დასრულდება. ხეთაგურის განმარტებით, თანხა თითოეულ აბონენტს სპეციალურ ბარათზე დაერიცხება და მისი გამოყენებისათვის ენერგოკომპანიაში მისვლა სავალდებულო არ არის. აბონენტს კომპანიაში მისვლა იმ შემთხვევაში მოუწევს, თუ რომელიმე აბონენტი ვაუჩერის სხვა აბონენტზე გადაცემას გადაწყვეტს, რომელშიც აბონენტები შეზღუდულნი არ არიან.
აღნიშნულ საკითხთან დაკავშირებით, სააკაშვილმა ენერგეტიკის მინისტრს დავალება მისცა, რათა ბიუროკარტიული საკითხები დროულად მოგვარდეს. პრეზიდენტმა ენერგოვაუჩერზე შრიფტის ზომაც დაიწუნა და განაცხადა, რომ შრიფტი ოდნავ დიდი ზომის უნდა იყოს, რათა მომხმარებელმა ვაუჩერის მოხმარების ინსტრუქცია კარგად წაიკითხონ.
