გამოცემა Kyiv Post-ის ვაშინგტონის კორესპონდენტი, ალექს რაუფოღლუ საკუთარ წყაროებზე დაყრდნობით წერს, რომ 8 აგვისტოს აზერბაიჯანის პრეზიდენტი, ილჰამ ალიევი და სომხეთის პრეზიდენტი, ნიკოლ ფაშინიანი თეთრ სახლში შეხვდებიან.
"რამდენიმე წყარო მიდასტურებს, რომ სომხეთი და აზერბაიჯანი მზად არიან, ამ კვირაში ვაშინგტონში გამოაცხადონ, მშვიდობის დამყარების შესახებ მიღწეული შეთანხმება.
როგორც წყაროები მეუბნებიან, მოსალოდნელია, რომ ტრამპი როგორც ნიკოლ ფაშინიანს, ისევე ილჰამ ალიევს თეთრ სახლში პარასკევს უმასპინძლებს". - წერს რაუფოღლუ.
ამასთან, რაუფოღლუ აღნიშნავს, რომ ტრამპი აზერბაიჯანისა და სომხეთის ლიდერებს ზუსტად მაშინ შეხვდება, როდესაც პუტინისთვის მიცემული 10-დღიანი ვადა იწურება.
„აქვე საინტერესო ფაქტი: ტრამპის, ფაშინიანისა და ალიევის შეხვედრა პუტინთან შეხვედრის ვადის ამოწურვის დღეს გაიმართება“, - წერს ის.
