ესპანეთის კუნძულ მალიორკასთან მცირე ზომის თვითმფრინავის ჩამოვარდნის შედეგად ორი ადამიანი დაიღუპა - მამა, აშშ-ის საჰაერო ძალების ყოფილი პილოტი და მისი მოზარდი ვაჟი.
ორადგილიანი მსუბუქი თვითმფრინავი 2 აგვისტოს დილით, ქალაქ სოლერის ახლოს ჩამოვარდა.
თვითმფრინავი დიდი ხნის განმავლობაში ასრულებდა აკრობატულ მანევრებს ზღვაზე და ნაპირიდან ასი მეტრის დაშორებით წყალში ჩავარდა.
სამაშველო სამსახურებმა ბორტზე მყოფების - 60 წლის ამერიკელისა და მისი13 წლის შვილის ცხედრები იპოვეს.
ავარიის მიზეზები ჯერ უცნობია. ავარიამდე ცოტა ხნით ადრე პილოტმა მოახერხა განგაშის სიგნალის გადაცემა დისპეტჩერებისთვის.
მედიის ცნობით, გარდაცვლილი კაცი აშშ-ის საჰაერო ძალების ყოფილი პილოტი იყო, რომელიც F-18 და F-14 ტიპის თვითმფრინავებს მართავდა.
თვითმფრინავი, მისი კუთვნილი ორადგილიანი Harmon Rocket-ი იყო.
