Telegram-არხების ცნობით, 2 აგვისტოს ღამეს, რუსეთის მიერ ანექსირებული ყირიმის რამდენიმე ქალაქში აფეთქებების სერია მოხდა. საოკუპაციო ხელისუფლებამ ყირიმის ხიდზე მოძრაობა გადაკეტა.
Telegram-არხმა „კრიმსკი ვეტერმა“ ინფორმაცია გაავრცელა ფეოდოსიაში აფეთქებების სერიის შესახებ.
ასევე გავრცელდა ინფორმაცია ქერჩში აფეთქებების და სულ მცირე „სამი ძალიან ძლიერი აფეთქების“ შესახებ ქერჩის მახლობლად მდებარე სოფელ იურკინოში.
ადგილობრივი მაცხოვრებლების თქმით, საჰაერო თავდაცვის სისტემების ხმა რამდენიმე რაიონში ისმოდა. აფეთქების შედეგების შესახებ ინფორმაცია ჯერ არ არსებობს.
გამთენიისას, რუსეთის ხელისუფლების მიერ კონტროლირებადმა არხმა ქერჩის ხიდზე მოძრაობის აღდგენის შესახებ განაცხადა.
