პოლონეთის ხელისუფლებამ 32 ადამიანი დააკავა, რომლებიც ეჭვმიტანილი არიან რუსეთის სადაზვერვო სამსახურებთან თანამშრომლობაში ქვეყანაში დივერსიული აქტების ორგანიზების მიზნით.
ამის შესახებ პოლონეთის პრემიერ-მინისტრმა დონალდ ტუსკმა განაცხადა.
ტუსკის თქმით, დანაშაულებრივ ჯგუფში პოლონეთის, რუსეთის, უკრაინის, ბელარუსისა და კოლუმბიის მოქალაქეები შედიოდნენ.
პოლონეთის შინაგანი უსაფრთხოების სააგენტოს ცნობით, დანაშაულები ჩადენილი ან მომზადებული იყო რუსეთის დაზვერვის თანამშრომლების დავალებით.
დაკავებულთაგან ერთი უკვე გასამართლებულია, დანარჩენები კი წინასწარი პატიმრობის ქვეშ არიან და სასამართლო პროცესს ელოდებიან.
ჯგუფის ერთ-ერთ წევრს, კოლუმბიის 27 წლის მოქალაქეს, ბრალი 2024 წლის მაისში ორი სამშენებლო საწყობის დაწვის ბრალდება წაუყენეს.
უწყების ცნობით, მან ინსტრუქციები რუსეთის სადაზვერვო სამსახურებთან დაკავშირებული პირისგან მიიღო, მათ შორის მოლოტოვის კოქტეილების დამზადებისა და გამოყენების ინსტრუქციები.
ბრალის დამტკიცების შემთხვევაში,, მას 10 წლით ან სამუდამო პატიმრობა ემუქრება.
ჩეხეთში ამ პირს 2025 წლის ივნისში უკვე მიესაჯა რვა წლით თავისუფლების აღკვეთა პრაღაში ავტობუსების ფარეხისთვის ცეცხლის წაკიდებისა და სავაჭრო ცენტრისთვის ცეცხლის წაკიდების მცდელობისთვის.
ეჭვმიტანილების ვინაობისა და ჩადენილი ან დაგეგმილი დივერსიის ხასიათის შესახებ სხვა დეტალები ამ დროისთვის არ ხმაურდება.
